السلام عليكم لكل الاعضاءاليوم جايبتلكم قصه
بسيطه وسهله يمكن اي احد مر فيها او كلنا مرينا بها
بس بصراحه يعني عرفت منها وتعلمت قد ايش ابن ادم ضعيف
امام عظمة الله وملكوته وجبروته وكيف ان الانسان مع ضعفه
يعصي ويطغي في الارض وهو اصلا ولاشي ترااب ضعيف مايملك
ولاشي الا بيد الله تعالى
القصه
كنا انا وامي جالسين قبل ساعتين من الان >> يعني القصه طاازه
قالت يابنتي اكتبي الاغراض الي نبيها من السوبرماركت قلت ان شاء الله
واجيب الدفتر وابي اطلع القلم من شنطتي وافتح سحاب الجيب والقى
المرسام << مو العادي لا الثاني الي يطلع وينزل المهم كان المرسام
مفتوح يعني الرصاص << جاهز للكتابه وانا ياغافلين لكم الله
وادخل يدي في الجيب وابي امسكه من راسه الا ويدخل بوز الرصاص
في اظفري >> هذا والله من طول الاظافر
واحس بذاك الالم الفضيــــــــــــع تخيلوا الرصاص انكسر وغزني في اظفري
من داخل يعني دخل بين الظفر واللحم <<والضفر مايطلع من اللحم
وربي الم جلست اصيح بكبري هذا واصيح امي خافت
قلتلها هاتي مقص الحلاقه تبع ابوي وقصيت اضفري اول ونزلت دبوسة الرصاص
وطبعا انجرح اضفري من جوى ونزل شوية دم
انتهت القصه والفائده باقيه وانا والله ماكتبتها الا لانها اثرت فيني وحبيت
افيدكم يعني قلت من شي صغير شلون صحت وبكيت اجل وش بسوي لانحطيت بقبري
ولامعي لام ولاابو ولااذا تعذبت بجهنم وش بسوي
يارب يالله احسن خاتمتنا يارب ياكريم وافد كل من يقرأ هذه القصه
واجعل مثــــــــــــــوانا الجـــــــــــــــــــــنـــــــــــــــــــــــهـ ـ
وارجوا اني اكون ماطولت عليكم ولامللتكم واكون افدتكم
تحياتي لكم
السبت مارس 06, 2010 4:47 pm
