يـاوردة الحـب ياطيبـه وجوريـه
يانسمة الشوق يامعنى هوى روحـي
أضفي عليـك الحنـان بكـل حنيـه
مشاعر الحب معها الصوت مبحوحي
زرعت وردة غلا واحـلام ورديـه
لاتجرح القلب يكفي القلب مجروحي
ان كان قصدك غلا مع صافي النيـه
بنيت لك بالغلا ميـدان وصروحـي
مااحدن يشارك غـلاك بكـل نديـه
اقلط تفضل وباب القلـب مفتوحـي
مادام تملك جمال مـع الرومانسيـه
ماعاد لي في هوى الزينات مصلوحي
قفلت باب الغلا عـن كـل نشميـه
الا انت ياللي عليك الدمع مسفوحـي
بـس اتخيلـك بالروحـات والجيـه
طيفك بعيني معي من وين مااروحي
عيني تراعيك عن هـاذي وهاذيـه
ياشوق روحي وشوق الشوق مذبوحي
الحب واضح ولـه بالعيـن ماريـه
اما دموع الغلا والا النظـر شوحـي
ياشمعة الزين هاذا اللي جـرى ليـه
من حبك الي بدا بالوجه مفضوحـي
يـاوردة الحـب ياطيبـه وجوريـه
يانسمة الشوق يامعنى هوى روحـي
مما اعجبني
الإثنين فبراير 22, 2010 7:52 pm
